चिकन सोबत या 3 गोष्टी खाणे आरोग्यासाठी घातक आहे

आपल्याकडे बहुतांश लोकांना चिकन खाण्याची फार आवड असते. चिकन थाळी पासुन चिकन बिर्याणी, लॉलीपॉप, मोमोज, रोल्स इत्यादि अनेक चिकनचे पदार्थ खाणाऱ्या लोकांची संख्या मोठी आहे. चिकन खात असताना लोक तोंडी लावायला कांदा, काकडी, वगैरे वेगवगेळे सॅलडही वापरतात.

पण असेही बरेच लोक आहेत जे नकळतपणे चिकनसोबत आरोग्यासाठी हानिकारक असणाऱ्या गोष्टीही खात असतात. आज आपण चिकनसोबत कोणत्या गोष्टी खाणे अपायकारक आहे ते पाहणार आहोत. यानंतर चुकूनही चिकन सोबत त्या गोष्टी सेवन करू नका.

१) दही :

हो, तुम्ही बरोबर वाचलं ! चिकनसोबत दही खाऊ नये. यामागचे कारण असे की चिकन आणि दही हे दोन परस्परविरोधी गुणधर्म असणारे अन्नपदार्थ आहेत. चिकनमध्ये उष्णता असल्याने ते शरीराला उष्णता देते तर दही थंड असल्यामुळे ते पोटात गेल्यावर थंडावा देते.

जेव्हा चिकन आणि दही सोबतच खाल्ले जातात, तेव्हा दोन्हींचे घटक आपसात मिसळतात, ज्याचा पचनक्रियेवर वाईट परिणाम होतो. पोटाशी संबंधित अनेक आजार चिकन आणि दही एकत्र खाल्ल्याने होऊ शकतात.

२) दूध :

चिकन खाल्ल्यानंतर चुकून सुद्धा कधी दुधाचे सेवन करु नका. कारण दुधामध्ये असणारे अनेक पोषक घटक आणि चिकन मध्ये असणारे पोषकी घटक एकत्र आल्यास शरीरावर त्याचा घातक परिणाम देखील होऊ शकतो.

दूध आणि चिकन एकत्र खाल्ल्यामुळे आपल्या शरीरात वेगवगेळे साईड इफेक्ट देखील होऊ शकतात. परिणामी शरीरावर पांढरे डाग दिसतात. म्हणून चिकन आणि दुधाचे एकत्र सेवन करणे विसरू नका.

३) मासे :

मांसाहारी लोकांमध्ये चिकन खाणाऱ्या व्यक्ती जशा आहेत, तशाच मासेही खाणाऱ्या आहेत. काहीजणांना तर चीक आणि मासे दोन्ही आवडतात. पण अशा लोकांना विनंती आहे की चिकन आणि मासे कधीही एकत्र खाऊ नयेत.

चिकन आणि माशांमध्ये भरपूर प्रमाणात प्रथिने आढळत असली तरी दोघांमधील प्रोटिन्स वेगवेगळ्या प्रकारचे असतात. चिकन आणि मासे दोन्ही सोबत खाल्ले तर प्रथिनांच्या एकमेकांशी होणाऱ्या क्रियेमुळे आपल्या शरीरावर वाईट परिणाम होऊ शकतो.

माहिती महत्वपूर्ण वाटल्यास अवश्य शेअर करा आणि आमचे पेज लाईक करायला विसरू नका.

जेवणात रोज एकच पदार्थ खाता तर सावधान ! वाचा नुकसान !!

आपला आहार आपले शरीर स्वास्थ ठरविण्यात मदत करते. आहारात आपण अनेकदा चुका करतो परंतु आपणास माहिती नाही कि आपण नेमक्या कोणत्या चूक करत आहो. आवडते म्हणून एकच पदार्थ रोज खाणे किंवा बाकी आवडत नाही म्हणून एकाच पदार्थावर जोर देणे हे अतिशय चुकीचे आहे.

उदाहरणार्थ रोज सकाळी तुम्ही नाश्ता करताना टोस्ट खाता आणि सायंकाळी दलिया जर असे असेल तर आपणास हि सवय लवकरात लवकर बदलावी लागेल कारण पुढील प्रमाणे आहेत.

पोषक तत्वांची कमी

शरीरास वेगवेगळे विटामिन म्हणजे पोषक द्रव्य लागतात. यामुळे शरीर व्यवस्थित काम करते. हि गरज वेगवेगळ्या भाज्यातून पूर्ण होते. रोज एकच भाजी खाल्याने आपल्या शरीरात संपूर्ण पोषक द्रव्य मिळणार नाही. आपल्या आहारात भाजीपाला आणि फळांचा समावेश करा.

आतड्या वर होतो परिणाम

रोज वेगवेगळ्या प्रकारचे पदार्थ खाल्याने आपल्या आतड्यामध्ये शरीराला आवश्यक असलेल्या बक्टेरियाची वाढ होते. यामुळे आपली रोग प्रतिकार शक्तीची वाढ होते. जेवणात फर्मेंटेड पदार्थ, फळ आणि पालेभाज्यांचा समावेश करा.

वजन कमी करता येणार नाही वैज्ञानिकांनी केलेल्या संशोधना नुसार रोजच एकच पदार्थ खाल्याने वजन कमी होण्याची प्रक्रिया संथ गतीने चालते. जे लोक वेगवेगळ्या पालेभाज्या खातात त्यांचे वजन जलद गतीने कमी होते.

अति प्रमाणात एकच पोषक द्रव्य मिळाल्याने शरीरावर विपरीत परिणाम होतात. उदाहरणार्थ हळद शरीरास चांगली आहे परंतु रोजच त्याचे सेवन केल्याने लिवर वर परिणाम होऊ शकतो.

रोज एकच पदार्थ खाल्याने ईटिंग डिसऑर्डर होऊ शकतो. यामुळे एखाद्या विशेष पदार्था विषयी मनात न खाण्याची भावना निर्माण होते. यामुळे कमी पोषक द्रव्य मिळतात.

आपल्याला हि माहिती आवडल्यास अवश्य शेअर करा व आमचे पेज लाईक करायला विसरू नका.

सैन्यदलाची ही पद्धत अवलंबली तर २ मिनिटात येईल झोप !!

असे म्हटले जाते की ज्याला रात्री सुखाची झोप लागते तीच व्यक्ती जगात सर्व आनंदी असते. परंतु आजकालच्या दिवसभराच्या धावपळीच्या जगात थकून भागून घरी आलेल्या लोकांना सुखाची झोप लागणे अवघड होऊन बसले आहे.

बहुतांश लोकांची अशी तक्रार असते की, बिछान्यावर पडल्यानंतरही बराच वेळपर्यंत त्यांना झोप येत नाही. मन अशांत राहते आणि कूस बदलण्यातच रात्र निघून जाते. काली करू नका, अमेरिकन सैन्याने झोप न येण्याच्या समस्येवर एक उपाय शोधून काढला आहे. या उपायामुळे २ मिनिटात झोप येईल. त्यासाठी थोडा सर्व करावा लागेल.

कसा शोधला सैन्यदलाने हा उपाय ?

दुसऱ्या महायुद्धाच्या काळात अमेरिकन लढाऊ विमानांचे पायलट्स निद्रानाशाच्या समस्येने त्रस्त झाले होते. ही गोष्ट लक्षात घेऊन अमेरिकन नेव्ही परी-फ्लाईट स्कुलच्या एका वैज्ञानिकाने यावर एक उपाय शोधला. हा उपाय जरी वैमानिकांसाठी शोधला असला तरी निद्रानाशाच्या समस्येने त्रस्त असणाऱ्या सर्वसामान्य लोकांनाही हा उपाय दैनंदिन जीवनात वापरता येऊ शकतो. “रिलॅक्स अँड विन : चॅम्पियनशिप परफॉर्मन्स” या पुस्तकात हा उपाय देण्यात आला आहे. अमेरिकेच्या ९६% पायलट्सना याचा फायदा झाला.

काय आहे हा उपाय ?

बिछान्यावर झोपल्यानंतर सर्वप्रथम आपले डोळे बंद करा आणि आपले लक्ष चेहऱ्यावर केंद्रित करा. हळूहळू आणि खोल श्वासोच्छ्वास सुरू करा. श्वास बाहेर सोडताना आपले गालावर लक्ष केंद्रित करा. तोंड, जीभ आणि जबडा सैल सोडा. डोळेही सैल सोडा. डोळ्यांच्या खोलपणावर लक्ष केंद्रित करा.

यामुळे आपल्या शरीराला सिग्नल मिळेल की आता विश्रांती घेण्याची वेळ आली आहे. आता हळू हळू आपले खांदे सैल करा. गळ्याच्या मागच्या बाजूला आराम द्या.

आपले हात सैल सोडत असताना आता आपल्या उजव्या हाताकडे लक्ष द्या. उजवा दंड हळूवारपणे सैल सोडा. डाव्या हातासोबतही हीच क्रिया करा. हळूवारपणे हाताच्या बोटांनाही विश्रांती द्या. हात झाल्यानंतर पायावर लक्ष केंद्रित करा. उजव्या पायाची मांडी, पोटरी आणि बोटांना आराम द्या. आता डाव्या पायाबाबतही हीच कृती करा. आता या मार्गाने आपल्या चेहऱ्यापासून पायापर्यंतच्या सर्व स्नायूंना आराम मिळाला आहे. कसलाही ताण राहिला नाही.

संपूर्ण शरीर सैल सोडल्यानंतर आपले लक्ष मनावर केंद्रित करा. पुढील १० सेकंद मनाला पूर्णपणे शांत करा. जसे काही चारी बाजूला अंधारच आहे, काहीच दिसत नाही असा विचार करा. दुसर्‍या कशाचाही विचार मनात आणू नका. दिवसभर काय घडले आणि काय नाही घडले याचा विचार करू नका.

आता असा विचार करा की आपण एका अंधाऱ्या खोलीत आहात. आतापर्यंतच्या प्रक्रियेमध्ये आपल्या शरीराचा प्रत्येक स्नायू सैल झाला आहे. डोळ्यांसमोर काहीही नाही, मन देखील पूर्णपणे शांत आहे. कुठूनही कसलाही आवाज येत नाही. फक्त तुम्ही आणि तुमचे शांत पडलेले शरीर आहे. विश्वास ठेवा तुम्हाला झोप लागलेली असेल…

माहिती महत्वपूर्ण वाटल्यास अवश्य शेअर करा आणि आमचे पेज लाईक करायला विसरू नका.

छोट्याशा लिंबाचे अनेक मोठे फायदे ज्याबद्दल आपण कधी कुठे वाचले नसेल

आहारामध्ये खाद्यपदार्थात लिंबाचा रस टाकल्यास त्याची चव वाढते. लिंबात असणारे व्हिटॅमिन सी आणि त्यातले इतर अनेक घटक आरोग्यासाठीही फायदेशीर असतात. अशा या छोट्याशा लिंबाचे इतरही अनेक असे मोठे फायदे आहेत ज्याबद्दल आपण कधी कुठे वाचले नसेल. चला तर पाहूया…

१) वजनावर नियंत्रण : वजन कमी करण्यासाठी लिंबाचा वापर अवश्य केला पाहिजे. वजन कमी करण्याच्या प्रक्रियेत शरीरात जमा झालेल्या अतिरिक्त चरबी शिवाय अनेक अशुद्ध पदार्थ बाहेर टाकणे देखील आवश्यक असते. संशोधनाने समोर आले आहे की जेव्हा शरीरातील अशुद्ध पदार्थ कमी होतात, तेव्हा वजन जलद कमी होते. अर्थातच रोजच्या आहारामधील कॅलरी कमी केल्याशिवाय आणि शारीरिक हालचाली वाढवल्याशिवाय परिणाम दिसून येणार नाहीत.

२) सकाळी कोमट पाण्यात लिंबाचा रस टाकून पिण्याचे अनेक फायदे आहेत. याव्यतिरिक्त कुठल्याही प्रौढ व्यक्तीने दिवसभरात पाण्याचे किमान ८ ते १० ग्लास प्यायला हवेत. लिंबूपाणीमध्ये गोडी येण्यासाठी साखरेऐवजी मधाचाही वापर करता येईल.

३) आहारामध्ये फळे व पालेभाज्यांचे प्रमाण वाढवणे आणि मांस व गोड पदार्थांचे प्रमाण कमी करणे वजन कमी करण्यासाठी उपयुक्त सिद्ध होते. आपल्या लोणच्यात किंवा अन्नपदार्थांमध्ये लिंबाचा रस वापरावा. व्हिटॅमिन सी बरोबरच लिंबू हा पोटॅशियमचा देखील चांगला स्रोत आहे, ज्यामुळे मज्जासंस्था, हृदय आणि स्नायू व्यवस्थित कार्य करतात.

४) लिंबाच्या रसात बॅक्टेरियानाशक गुणधर्म आढळले आहेत. त्यामुळे पचनाला मदत होते. तसेच आतड्यातील हानिकारक जिवाणू नष्ट करून मूत्रावाटे शरीराबाहेर काढून टाकण्यासाठी लिंबू मदत करते. पोट आणि आतड्याचे आरोग्य टिकून राहण्यासाठी लिंबू मदत करते.

५) जर्मनीच्या बोखम विद्यापीठाच्या संशोधकांना असे आढळून आले आहे की, कर्करोगाच्या पेशींची वाढ थांबवण्यात लिंबाचा खूप उपयोग होतो. त्याशिवाय किडनी आणि किडनीतील खडे तयार होण्यास लिंबू प्रतिबंध करत असल्याचे देखील आढळून आले आहे.

६) लिंबामध्ये अँटी-ऑक्सिडंट गुणधर्म मोठया प्रमाणावर आढळतात. त्यामुळे त्वचा तरूण राहण्यासाठी मदत होते. तसेच लिंबात अनेक ब्लिचिंग गुणधर्म आहेत, ज्यामुळे केसाने त्यांच्या रंगाने हलके करता येते.

माहिती महत्वपूर्ण वाटल्यास अवश्य शेअर करा आणि आमचे पेज लाईक करायला विसरू नका.

हिरव्या मिरचीला कधीही नाही म्हणू नका, हिरव्या मिरचीचे आरोग्यासाठी आहेत हे १० फायदे !!

आपल्याकडे वडापाव सोबत हिरवी मिरची आवर्जून खाणारे लोकही आहेत आणि पोह्यातल्या मिरच्या बाजूला काढून खाणारे लोकही आहेत. जास्त तिखट खाणे आरोग्यासाठी चांगले नसते अशी एक समजूत आपल्याकडे आहे. तुम्ही या समजुतीमुळे हिरवी मिरची खाणे टाळत असाल तर आता असे करू नका.

कारण हिरव्या मिरचीचे आरोग्यासाठी असणारे फायदे वाचले तर आपण उगाच तिला टाळत आलो असे तुम्हाला वाटेल. चला तर मग जाणून घेऊया काय आहेत नेमके हिरव्या मिरचीच्या सेवनाचे फायदे…

१) हिरव्या मिरची ही व्हिटॅमिन A, व्हिटॅमिन B6, व्हिटॅमिन C, लोह, पोटॅशिअम सोबतच कार्बोहायड्रेट्स सारख्या शरीरासाठी आवश्यक असणाऱ्या अनेक पोषकतत्वांचा उत्तम स्रोत आहे.

२) बीटा कॅरेटिन, क्रिप्टोक्सान्थिन, लुटेन जॉक्सन्थिन असे घटकही हिरव्या मिरचीत मुबलक प्रमाणात आढळून येतात. 

३) मधुमेह सारख्या गंभीर आजाराशी झुंजणाऱ्या लोकांनी आपल्या आहारात हिरव्या मिरचीचा समावेश आवर्जून करायला हवा. हिरव्या मिरचीच्या सेवनाने शरीरात असणाऱ्या शर्करेची पातळी नियंत्रित राहायला मदत होते.

४) हिरव्या मिरचीत आढळून येणारे व्हिटॅमिन्स त्वचेच्या आरोग्यासाठी अत्यंत उपयुक्त असतात. तुम्ही जर हिरव्या मिरचीचे सेवन केले तर तुमची त्वचा उजळायला मदत होते. याव्यतिरिक्त हिरव्या मिरचीचा एक चमचा रस मधामध्ये घालून अनाशेपोटी खाल्ल्यास दम्याच्या आजारात आराम मिळेल.

५) हिरवी मिरची खाल्ल्याने आपली पचनक्रिया सुधारते. 

६) हिरव्या मिरचीत असणारे व्हिटॅमिन C जेवणानंतर शरीरात लाळ निर्माण करण्यासाठी मदत करते, त्यामुळे खाल्लेल्या अन्नाचे पचन चांगल्या प्रकारे होते.

७) हिरवी मिरची शरीरातील चरबी कमी करून शरीरातील चयापचय क्रिया वाढवण्यास मदत करते. हिरवी मिरची एक उत्तम अँटी ऑक्सिडेन्ट आहे. 

८) हिरव्या मिरचीत असणाऱ्या व्हिटॅमिन A मुळे डोळ्यांचे आरोग्य चांगले राहते.

९) हिरव्या मिरचीत असणाऱ्या Capsaicin नावाच्या घटकामुळे प्रोस्ट्रेट कॅन्सरचा धोका कमी होतो. त्यासोबतच चेहऱ्यावर येणारे पिंपल्स कमी होण्यासही मदत होते. 

१०) हिरव्या मिरचीत प्रतिजैविकांचाही गुणधर्म आढळून येतो, त्यामुळे शरीर निर्जंतुक राहण्यास मदत होते.

माहिती महत्वपूर्ण वाटल्यास अवश्य शेअर करा आणि आमचे पेज लाईक करायला विसरू नका.

उत्तम आरोग्यासाठी जाणून घ्या ई-जीवनसत्वाचे फायदे !!

आपण अ,ब ,क , ड जीवनसत्वांबद्दल आपल्या शाळेत शिकला असालच.  पण ई जीवनस्त्वाबद्दल फारशी माहिती आपल्या शाळेच्या पुस्तकात दिलेली नसते.  कारण सरळ आहे,  गेल्या काही वर्षांपर्यंत या जीवनसत्वाच्या गुणधर्माबद्दल उपलब्ध माहितीच कमी होती. आता या ई जीवनसत्वाबद्दल अधिक संशोधन झालंय मंडळी. आता आपल्या अन्नातून शरीराला मिळणाऱ्या जीवनसत्वांचे आठ प्रकार शास्त्रज्ञांनी शोधून काढले आहेत. या आठ प्रकारांपैकी फक्त एकच प्रकार म्हणजे अल्फा टोकोफेरॉल  मानवी शरीराला उपयुक्त असतो. बाकीचे सर्व प्रकार तसे काही फारसे कामाचे नसतात. तसं पह्यलं तर   अन्न आतड्यात पोहचलं, की त्यातून ई जीवनसत्व शोषलं जातं. म्हणजे तेव्हा ई जीवनसत्वाचे सरसकट सगळेच आठ प्रकार शोषले जातात. या पुढचं काम यकृताचं असतं. यकॄत फक्त अल्फा टोकोफेरॉल या प्रकारचे ई जीवनसत्व साठवून ठेवतं आणि बाकी अनावश्यक प्रकार लघवीतून बाहेर फेकले जातात.


हे अल्फा टोकोफेरॉल  इतकं का महत्त्वाचं आहे ??

अल्फा टोकोफेरॉल शरीराच्या पेशींमध्ये होणार्‍या "ऑक्सिडेशन" वर ताबा ठेवतं. त्यामुळं  फ्री रॅडीकल्सचं शरीरातलं  प्रमाण कमी होतं. हे फ्री रॅडिकल्स शरीरात अधिक असतील तर आपल्या पेशी चंगलं काम करु शकत नाहीत आणि काहीवेळा त्या मरूनही जातात. म्हणून साखळी प्रक्रियेनं तयार होणाऱ्या या फ्री रॅडीकल्सच्या संख्येवर मर्यादा असणं आपल्या शरीरासाठी महत्त्वाचं आहे. तसंच या अल्फा टोकोफेरॉल  शरीराला येणारी सूज कमी होते. हृदयविकार, पक्षाघात, कर्करोग, या रोगांपासून बचाव करण्यासाठी ई जीवनस्त्व अशा बऱ्याच प्रकारे मदत करत असतं. अर्थातच इथं एक बाब लक्षात घ्यायला हवी. धूम्रपान, अल्ट्राव्हायोलेट किरण आणि प्रदूषण यामुळं फ्री रॅडीकल्स वाढत असतात. केवळ ई जीवनसत्व याचा मुकाबला करू शकत नाही.  त्यामुळं निरोगी आरोग्यासाठी आपल्या जीवनशैलीत बदल घडवून आणणं ही पण तितकंच महत्वाचं आहे.

ई जीवनसत्त्वामुळं शरीराला काय काय लाभ होतात हो ?

मधुमेहामुळे शरीराला जुनाट सूज आणण्याची खोड असते, ती पण ई जीवनसत्वामुळे कमी होते. शरीरातल्या अनेक रक्तवाहिन्यांमध्ये प्लेटलेट म्हणजेच एक प्रकारच्या रक्तपेशी अडकून राहीलेल्या असतात, त्याचा निचरा करण्याचे कामही हेच जीवनसत्व करते. अल्झायमर म्हणजेच पूर्ण स्मृतिभ्रंश, मिरगी म्हणजे एपीलेप्सी, पार्किन्सन यासारख्या वंशपरंपरागत रोगांमुळं मेंदूची होणारी घसरण पण  या जीवनसत्वामुळं कमी होते.

स्त्रियांना ई जीवनसत्त्वामुळं आणखी काय लाभ होतात ?

स्त्रियांसाठी हे जीवनसत्व फारच महत्वाचं आहे. मासिक पाळीपूर्वी होणार्‍या ओटीपोटातल्या वेदना, अचानक अंगाला जाणवणार्‍या गरम लाटांच्या संवेदना अशा त्रासांपासून ई जीवनसत्त्वामुळं बचाव होतो.   गर्भार स्त्रियांचा अचानक वाढणारा रक्तदाब आणि त्यामुळे काही वेळा येणारी फीट हे त्रासही कमी होतात. चेहेर्‍यावर येणार्‍या सुरकुत्यासुद्धा ई जीवनसत्वामुळे नाहीशा होतात, कांती सतेज होते.   म्हणून चेहेर्‍याला लावायच्या अनेक क्रीममध्ये ई जीवनसत्वाचा वापर केला जातो. इतकंच नव्हे तर केसांच्या गळतीला पण आळा घालण्याचे काम ई जीवनस्त्व करतं.

वृद्धांसाठी ई जीवनसत्त्व कसं महत्त्वाचं आहे ?

आहारात या जीवनसत्वाचा अंतर्भाव केला,  तर वृध्दत्वामुळे होणाऱ्या  मोतीबिंदू, मॅक्युलर डीजनरेशन ( डोळ्याच्या अंतर्भागाचा एक हिस्सा)  यांसारख्या डोळ्यांच्या विकारांपासून बचाव होतो. नियासीन म्हणजे बी-३ या  जीवनसत्वासोबत जर ई जीवनसत्व घेतलं तर कोलेस्टोरॉलचं प्रमाण कमी होतं.

हे झाले या जीवनसत्वाचे गुणधर्म.  पण आपल्या आहारातून ते मिळवण्यासाठी काय करायचे ते आता पाहूया !!

कोंडा न काढलेली धान्यं, वेगवेगळ्या प्रकारच्या उदा. भोपळ्याच्या- टरबूज कलिंगडाच्या बिया, सुकामेवा, बिनसायीचं दूध, वनस्पती तेल, ताज्या पालेभाज्या, अंडी , मासे या सर्व प्रकारच्या अन्नात ई जीवनसत्त्व भरपूर प्रमाणात असतं. 

म्हणजेच मंडळी, हे जीवनसत्त्व मिळवण्यासाठी ढीगभर औषधं खायची गरज नाही. त्यापेक्षा ते सहज आपल्या रोजच्या आहारातून मिळवणं जास्त श्रेयस्कर आहे.  हो ना? तुम्हाला काय वाटतं?

तोंडाची दुर्गंधी कमी करण्याचे ५ रामबाण उपाय !!

तुमच्या तोंडाचा वास येतो का ? लाजू नका राव. ही अनेकांची समस्या आहे. कितीही दात घासले किंवा माऊथवॉशचा वापर केला तरी हा दुर्गंध जात नाही. मुळात हा वास असतो श्वासाचा. या दुर्गंधीची अनेक करणं देता येतील. जसे की तोंडात पुरेशी लाळ न तयार होणे, अन्नाचे कण दातात अडकणे, पुरेसे पाणी न पिणो, वगैरे वगैरे.

करणं खूप असली तरी काही मोजक्या उपायांनी तुमच्या तोंडाची दुर्गंधी झटक्यात कमी होऊ शकते. चला हे रामबाण उपाय जाणून घेऊया.

१. तोंडाचा वास घालवण्यासाठी दातांची स्वच्छता अत्यंत गरजेची असते. तुमचा टूथब्रश दर २ ते ३ महिन्यांनी बदलायला विसरू नका. याचं शास्त्रीय कारण जाणून घेण्यासाठी आमचा खालील लेख वाचा.

२. भरपूर पाणी प्या. पाण्याने तोंडाची दुर्गंधी बऱ्याच प्रमाणात कमी होते. जमल्यास प्रत्येक २ तासांनी थंड पाण्याने गुळण्या करा.

३. दातांची स्वच्छता राखताना जिभेला विसरू नका. जीभेवरही बॅक्टेरिया जमा झालेले असतात. हल्ली तर प्रत्येक टूथब्रशच्या मागे जीभ घासण्यासाठी ‘स्क्रॅपर’ असतो. या ‘स्क्रॅपर’चा नियमित वापर करा.

४. दातांमध्ये अडकलेल्या अन्नामुळे बऱ्याचदा हा दुर्गंध येत असतो. हे अन्नाचे कण नैसर्गिकरीत्या निघून जावेत यासाठी सतत लाळ तयार होणे गरजेचे असते. लाळेमुळे तोंडातील बॅक्टेरियाची वाढही थांबते. जास्तीत जास्त लाळ तयार होण्यासाठी सफरचंद सारखी फळं खाणे किंवा च्विंगम चावणे फायदेशीर ठरू शकते.

५. शेवटचं आणि महत्वाचं म्हणजे डेंटल चेकअपपासून दूर पळू नका. कारण दातांची कीड किंवा हिरड्यांच्या आजारामुळे हा दुर्गंध येण्याची शक्यता मोठ्या प्रमाणात असते. अशावेळी वर दिलेले सगळे उपाय फोल ठरतील. त्यामुळे असे आजार असतील तर वेळोवेळी दातांची तपासणी करून घ्या.